2 ապրիլի 2025 - 15:03 AMT
Էլինա Դանիելյանը կանանց շախմատի ԵԱ առաջատարների թվում է

Շախմատի կանանց Եվրոպայի անհատական առաջնությունում կայացել են երկրորդ տուրի պարտիաները: Հայաստանի հավաքականի անդամ Էլինա Դանիելյանը երկրորդ անընդմեջ հաղթանակն է տոնել ընթացիկ առաջնությունում: Էլինա Դանիելյանը երկրորդ տուրում սպիտակ խաղաքարերով հաղթանակ է տոնել 19-ամյա լեհ շախմատիստ Մարտինա Վիկարի նկատմամբ:

Իր պարտիան հաղթանակով է ավարտել նաև Աննա Խաչատրյանը, հայտնում է Արմենպրեսը։

Իրենց պարտիաները ոչ ոքի են ավարտել Մարիամ Մկրտչյանը, Լիլիթ Մկրտչյանը, Մարիա Գևորգյանը, Սուսաննա Գաբոյանը, Սոնա Կրկյաշարյանը: Պարտվել են Գաբրիելա Հարությունյանը և Անի Նահապետյանը:

Էլինա Դանիելյանը Եվրոպայի անհատական առաջնության 15 առաջատարների շարքում է: