Հայաստանի գլխավոր դատախազության հրապարակած տվյալներով՝ պետական իշխանության և կառավարման դեմ ուղղված հանցագործությունների թիվը 2024 թվականին նվազել է 168-ով կամ 3.6 տոկոսով՝ կազմելով 4536 դեպք, 2023-ին գրանցվել էր 4704 դեպք։

Դեպքերի թվի նվազմանն ուղեկցել է բացահայտման ցուցանիշի թեթև անկում․ եթե 2023-ին այդ ցուցանիշը կազմել էր 19.6 տոկոս, ապա 2024-ին՝ 19.5 տոկոս, հայտնում է Արմենպրեսը։

Դատախազության հաղորդմամբ՝ հանցագործությունների նվազման հիմնական պատճառը եղել է մի շարք կոնկրետ հոդվածներով նախատեսված արարքների նվազումը։ Մասնավորապես՝ պաշտոնեական լիազորությունները չարաշահելու և անցնելու դեպքերը նվազել են 83-ով կամ 14.9 տոկոսով (2023 թ․՝ 556, 2024 թ․՝ 473), կաշառք ստանալու, տալու և միջնորդության դեպքերը նվազել են 128-ով կամ 22.3 տոկոսով (2023 թ․՝ 574, 2024 թ․՝ 446), իշխանության ներկայացուցչի նկատմամբ բռնություն գործադրելու դեպքերը նվազել են 30-ով կամ 21.3 տոկոսով (2023 թ․՝ 141, 2024 թ․՝ 111),

Պետական իշխանության և ծառայության դեմ ուղղված այլ հանցագործությունների դեպքերը նվազել են 17-ով կամ 0.8 տոկոսով (2023 թ․՝ 2161, 2024 թ․՝ 2144):