ԱՄՆ Սթենֆորդի համալսարանի քաղաքագիտության դոկտոր Արթուր Խաչիկյանն, պատասխանելով լրագրողների հարցերին, ասել է, որ պարզ չէ, թե ՔՊ-ի ստացած 36%-ից ինչ կմնա, եթե բոլոր խախտումները հանեն։

«Խնդրահարույցը Գյումրում լույսի անջատումն էր քվեարկումից հետո, շատ հետաքրքիր է, որ ամեն անգամ լինում է դա»,-ասել է նա, գրում է Panorama.am-ը։

Քաղաքագետը հույս է հայտնել, որ Գյումրու տեղական ընտրությունները կարող են դառնալ ամբողջ երկրի քաղաքական փոփոխության մեկնակետ, սակայն, ըստ նրա, ամեն բան կախված է ընդդիմադիր ուժերից և նրանց առաջնահերթություններից՝ արդյոք գերակա են իրենց շահերը, անձնական հաշիվներն ու ամբիցիաները, թե իրական ցանկությունն է ազատել ժողովրդին գործող ռեժիմից։

Նա ընդգծել է, որ հասարակության զգալի մասը արթնացել է և գիտակցում է իրավիճակի լրջությունը, հատկապես երբ Սյունիքի գյուղերի ուղղությամբ շարունակվում են կրակոցները, իսկ բազմաթիվ զիջումներից հետո էլ խաղաղություն հաստատել չի ստացվում։

Խաչիկյանը նշել է, որ ասում էին որ Արցախը հանձնեն, որ լավ ապրեն՝ դրանից հետո պատերազմը եկավ Սյունիք։

«Իսկ գյումրեցիները շատ լավ գիտեն, թե Ախուրյան գետի մյուս ափում ինչ պետություն է գտնվում, և ինչպես 2018 թվականին հայերին համոզեցին հանձնել Կարսը, որպեսզի Ալեքսանդրապոլը խաղաղ ապրի։ Մի քանի ամիս հետո այդ նույն զենքերով թուրքերը մտան Ալեքսանդրապոլ»,-ասել է Խաչիկյանը։

ԿԸՀ-ն ամփոփել է մարտի 30–ին կայացած ՏԻՄ արտահերթ ընտրությունների նախնական արդյունքները, որոնց համաձայն Գյումրիում ոչ մի ուժի չի ստացել մեծամասնության քվեն։ Համայնքի ղեկավար ընտրելու համար քաղաքական կոալիցիաներ կազմելու անհրաժեշտություն կառաջանա։Եթե ընդդիմադիր ուժերը միավորվեն, Գյումրին կունենա ընդդիմադիր քաղաքապետ։

Փարաքարում ընտրություններին մասնակցել է 4 քաղաքական ուժ՝ «Քաղաքացիական պայմանագիր» (Լյուդվիգ Գյուլնազարյան), «Միասնություն» դաշինք (Վալոդյա Գրիգորյան), «Ազգային առաջընթաց» կուսակցություն (Դավիթ Մինասյան) և «Կայունություն» կուսակցություն (Գոռ Սարիբեկյան)։ Առաջատարը «Միասնություն» դածինքն է, որի մաս կազմող «Ապրելու երկիր» կուսակցությունը հայտնել է իր թեկնածուի՝ Վալոդյա Գրիգորյանի հաղթանակի մասին։