ՆԳՆ-ն պարզաբանել է պարեկների մասնակցությամբ տեսանյութը՝ նշելով, որ վարորդը հայհոյել է
ՆԳՆ-ն պարզաբանում է տարածել սոցկայքերում տարածված պարեկների մասնակցությամբ տեսանյութի վերաբերյալ:
«Սոցկայքերում պարեկների մասնակցությամբ տարածված տեսանյութի առնչությամբ հայտնում ենք, որ պետական արարողակարգային միջոցառումների շրջանակում, երբ ոստիկանության ծառայողները ապահովել են մեքենաների շարասյան անցումը, վարորդներից մեկը հայհոյանք է հնչեցրել:
Նա բերման է ենթարկվել Համայնքային ոստիկանության Կենտրոնական բաժին: Պարզաբանումներից հետո ազատ է արձակվել»,- ասված է հաղորդագրության մեջ:
Տարածված տեսանյութում տեսանելի է միայն վարորդին բերման ենթարկելու պահը՝ ինչպես են նրան դուրս քաշում մեքենայից, պառկեցնում գետնին և տանում։
