Ապրիլի 2–ի ուշ երեկոյան անհայտ անձինք կրակ են բացել Բեյրութի հայկական ակումբի ուղղությամբ։ Դեպքը տեղի է ունեցել «Խալիլ Բադաուի» թաղամասում, որտեղ գտնվում է Հնչակյան կուսակցության ՀՄՄ-ի ակումբը։
Տեսանյութում երևում է, որ անծանոթները կրակ են բացել ակումբի ուղղությամբ և արագ հեռացել դեպքի վայրից, հայտնում է Arevelk-ը։
Բարեբախտաբար զոհերի կամ վիրավորներ չկան, չնայած նրան, որ ակումբը տեղակայված է մարդաշատ հատվածում։
Նշվում է, որ Լիբանանի իրավապահ մարմիններն արդեն նախաձեռնել են հետաքննություն՝ դեպքի հանգամանքները պարզելու և մեղավորներին հայտնաբերելու նպատակով։
Լիբանանի տարածքում նման միջադեպներ, որոնք ուղղված են հայկական համայնքային կենտրոնների կամ ակումբների դեմ, երկար ժամանակ չեն գրանցվել։ Դեպքի արձանագրումն անհանգստություն և լուրջ արձագանք է առաջացրել տեղի հայկական համայնքում։
