Հայաստանի ծանրամարտի տղամարդկանց թիմի անդամ, Օլիմպիական խաղերի արծաթե մեդալակիր, աշխարհի և Եվրոպայի գործող չեմպիոն Վարազդատ Լալայանը կրկին նվաճել է Եվրոպայի չեմպիոնի տիտղոսը:

Լալայանը պոկում վարժությունում բարձրացրել է նախ 200 կգ, ապա՝ 210 կգ ծանրաձողը։ Այս կատեգորիայում նա գրավել է առաջին հորիզոնականը, հայտնում է Արմենպրեսը։

Հրում վարժությունում Լալայանը կարողացել է բարձրացնել 240 կգ ծանրաձողը՝ դարձյալ դառնալով առաջինը։ Երկամարտի արդյունքում՝ 450 կգ ընդհանուր քաշով, նա հռչակվել է Եվրոպայի կրկնակի չեմպիոն,

Հայաստանի կանանց հավաքականի ներկայացուցիչներ Ալեքսանդրա Գրիգորյանը, Աննա Ամրոյանը և Լիանա Գյուրջյանը նվաճել են Եվրոպայի առաջնության արծաթե մեդալներ։

Տղամարդկանց թիմում Գարիկ Կարապետյանը դարձել է Եվրոպայի չեմպիոն, իսկ Սիմոն Մարտիրոսյանը, Գոռ Սահակյանը և Ռաֆիկ Հարությունյանը արժանացել են արծաթե մեդալների։ Գառնիկ Չոլակյանն ու Դավիթ Հովհաննիսյանը արժանացել են բրոնզե պարգևների։