Եվրամիության և Հայաստանի միջև քաղաքական երկխոսության հերթական փուլում շեշտադրվել է ոլորտային բարեփոխումների առաջխաղացումը։

Հայաստանում ԵՄ գրասենյակը տեղեկացրել է, որ ԵՄ-Հայաստան ռազմավարական քաղաքական երկխոսության հինգերորդ հանդիպումը արտացոլել է արդարադատության և հակակոռուպցիոն ոլորտներում տարվող բարեփոխումները՝ մասնավորապես արբիտրաժի ու հաշտարարության մեթոդների արդյունավետ խթանումը, դատախազների ու քննիչների բարեվարքության ստուգումների իրականացումը, ինչպես նաև այս բարեփոխումների վերաբերյալ հանրության իրազեկվածության բարձրացման ուղղությամբ արձանագրված առաջընթացը։

«Շարունակական ջանքեր են անհրաժեշտ՝ ապահովելու համար համակողմանի և թափանցիկ բարեփոխումներ, որոնք կլինեն համակարգային և կայուն»,- նշված է գրասենյակի տարածած հաղորդագրությունում: