Ավինյան. Երևանում անձրևներն ավելանալու են, պետք է գործողություններ ձեռնարկենք
Երևանի քաղաքապետ Տիգրան Ավինյանը, անդրադառնալով անձրևներից հետո քաղաքում ստեղծված իրավիճակին, ասել է, որ մայրաքաղաքում անձրևների քանակը աճել է և շարունակելու է աճել, ինչը պայմանավորված է գլոբալ կլիմայական փոփոխություններով:
«Անձրևների քանակը Երևանում ավելանում է և ավելանալու է. դա պայմանավորված է աշխարհում կլիմայական փոփոխություններով»,– ասել է Ավինյանը, հայտնում է Radar.am-ը։
Նա ընդգծել է, որ տեղումների ավելացմանը պետք է արձագանքել նպատակային քայլերով:
«Ամեն տարի ավելի շատ անձրև է լինելու, և համապատասխան գործողություններ պետք է ձեռնարկենք»,– նշել է քաղաքապետը:
Ավինյանն ավելացրել է նաև, որ քաղաքապետարանը կլիմայական փոփոխությունների դեմ պայքարի համար ունի սահմանափակ հնարավորություններ:
