Մայիսի 4–ից կորած 2–ամյա Տիգրանի դին հայտնաբերվել է Մարմարիկ գետում: Այդ մասին ֆեյսբուքյան իր էջում հայտնել է ՆԳՆ խոսնակ Նարեկ Սարգսյանը։

Մարմինը գտնվել է մայիսի 24–ին՝ ժամը 10։40-ին, Հրազդան ՋԷԿ-ին մոտ կամրջի շրջակայքում։

«Սիրելի՛ քաղաքացիներ, ցավալի լուր պետք է հայտնեմ։ Այսօր՝ ժամը 10։40-ի սահմաններում, ՆԳՆ փրկարար ծառայության աշխատակիցները, Մարմարիկ գետում՝ Հրազդան ՋԷԿ-ի մոտակա կամրջի մոտ, հայտնաբերել են մայիսի 4-ից որոնվող երեխայի դին։

Ցավակցում ենք փոքրիկի հարազատներին, համայնքի բնակիչներին, կիսում կորստյան ծանր վիշտը»,–ասվում է գրառման մեջ։