Ղարաբաղյան հակամարտության կարգավորումը նպաստավոր կլինի Կովկասի ողջ տարածաշրջանի համար: Այդ մասին հայտարարել է ԱՄՆ պետքարտուղար Հիլարի Քլինթոնը Թուրքիայի ԱԳՆ ղեկավար Ահմեդ Դավութօղլիի հետ հանդիպման ժամանակ: Նրա խոսքերով, Հայաստանի եւ Ադրբեջանի կառավարությունները շարունակում են բանակցություններ վարել, միասին աշխատում են Լեռնային Ղարաբաղի հինախնդրի լուծման վրա: «Հայաստանի եւ Ադրբեջանի նախագահները հանդիպում են ունեցել Սանկտ-Պետերբուրգում: Մենք կարծում ենք, որ համեմատաբար կարճ ժամանակաշրջանում մեծ առաջընթաց է եղել հարցերի լուծման մեջ, որոնք վաղուց տարաձայնություններ էին առաջացնում: Կարեւոր է, որպեսզի նվիրվածություն պահպանվի հակամարտության կարգավորման գործին: Եվ ես տեսնում եմ այդ նվիրվածությունը»,- ասել է պետքարտուղարը, հաղորդում է ԱՄՆ Պետդեպարտամենտի մամլո ծառայությունը: