Հայաստանի Ազգային Ժողովի նախագահ Հովիկ Աբրահամյանը կարող է մասնակցել Եվրոպայի Խորհդարանի Խորհրդարանական Վեհաժողովի (ԵԽԽՎ)` հունիսի 22-26 Ստրասբուրգում նշանակված ամառային նստաշրջանի աշխատանքին: Այդ մասին PanARMENIAn.Net-ի թղթակցին հայտնել է ՀՀ ԱԺ խոսնակի մամլո քարտուղար Նաիրի Պետրոսյանը: «Ներկա պահին քննարկվում է ԵԽԽՎ ամառային նստաշրջանին Հայաստանի խորհրդարանի խոսնակի մասնակցության հարցը, եւ շատ հավանական է, որ հայկական խորհրդարանի խոսնակը մասնակցի այդ նստաշրջանին»,- հաղորդել է Նաիրի Պետրոսյանը:

ԵԽԽՎ ամառային նստաշրջանի շրջանակներում կքննարկվի Հայաստանի կողմից ԵԽԽՎ 1609,1620 եւ 1643 բանաձեւերի վերաբերյալ խորհրդատվությունների կատարման հարցը: