Հայաստանի վարչապետ Տիգրան Սագսյանը եւ Վրաստանի նախագահ Միխայիլ Սահակաշվիլին քննարկել են Հայաստանի եւ Վրաստանի միջեւ տնտեսական կապերի ամրապնդման հարցերը, հաղորդում է Հայաստանի կառավարության մամլո ծառայությունը: Հանդիպման ընթացքում քննարկվել են երկու երկրների միջեւ տարբեր բնագավառներում համագործակցության խորացման, զբոսաշրջության, կրթամշակութային կապերին առնչվող հարցեր եւ դրանց զարգացման հեռանկարներ:

Կողմերը նշել են, որ տնտեսական համագործակցության խորացումը, համատեղ նախաձեռնությունների իրականացումը կնպաստեն երկու հարեւան երկրների տնտեսությունների վրա համաշխարհային ֆինանսատնտեսական ճգնաժամի հետեւանքների նվազեցմանը:

ՀՀ կառավարության ղեկավարը կարեւորել է Վրաստանի տարածքով անցնող հաղորդակցության ուղիների անխափան աշխատանքը, որը մեր երկրի տնտեսության համար կարեւոր նշանակություն ունի, բեռնափոխադրումների իրականացմանը, մաքսային մարմինների գործունեությանն առնչվող մի շարք հարցեր: