Գորիսի համայնքապետ Առուշ Առուշանյանը չի ազատազրկվի։ Հակակոռուպցիոն դատարանը՝ դատավոր Տիգրան Դավթյանի նախագահությամբ, հունիսի 23-ին հեռացել էր խորհրդակցական սենյակ՝ Առուշ Առուշանյանի նկատմամբ կիրառված պատժի փոփոխության վերաբերյալ որոշում կայացնելու նպատակով։

Հունիսի 24-ին հրապարակված որոշմամբ դատարանը մերժել է Պրոբացիայի ծառայության Սյունիքի մարզային մարմնի պետի միջնորդությունը, հայտնում է Aysor.am-ը:

Մասնավորապես, միջնորդությամբ առաջարկվել էր Առուշ Առուշանյանի նկատմամբ նշանակված պատիժը՝ տեղական ինքնակառավարման մարմնի ղեկավարի պաշտոն զբաղեցնելու իրավունքից զրկումը, փոխարինել ազատազրկմամբ, ինչպես նաև վերացնել ազատազրկման ձևով նշանակված պատիժը պայմանականորեն չկիրառելու վերաբերյալ որոշումը և նրան ուղարկել պատժի կրման։