Հուլիսի 1-ին Երեւանի «Հանրապետական» մարզադաշտում «Բանանցը» եզրափակիչ մարզումներ է անցկացրել Եվրոպայի լիգայի որակավորման առաջին փուլի խաղից առաջ Բոսնիայի «Շիրոկի Բրիեգ» թիմի հետ: «Բանանցի» գլխավոր մարզիչ Արմեն Գուլբուդաղյանցը կհայտարարի ֆուտբոլիստների կազմը, որոնք մասնակցելու են հուլիսի 2-ին կայանալիք առաջին խաղին:

Նշենք միայն, որ «Բանանցն» ուժեղացրել է թիմը չորս ֆուտբոլիստներով, որոնցից երեքն ուկրաինացիներ են, այդ թվում պաշտպան Դմիտրի Նազարենկոն, կիսապաշտպան Վլադիմիր Ռոմանենկոն եւ դարպասապահ Իգոր Վիտեւը: «Բանանցի» կազմում հանդես է գալու նաեւ Հայաստանի հավաքականի նախկին ֆուտբոլիստ կիսապաշտպան Համլետ Մխիթարյանը:

Հիշեցնենք, որ խաղը տեղի է ունենալու Երեւանում «Հանրապետական» մարզադաշտում եւ սկսվելու է տեղական ժամանակով ժամը 20.00-ին: