«Մենք բարձր ենք գնահատում Երեւանում 2008թ-ի մարտի 1 լույս երկուսի գիշերի իրադարձություններն ուսումնասիրող խարհրդարանական ժամանակավոր հանձնաժողովի քրտնաջան աշխատանքը, քանի որ նրանք իսկապես մեծ աշխատանք են կատարել», - այսօրվա խորհրդարանական ճեպազրույցի ժամանակ նշեց «Բարգավաճ Հայաստան» խորհրդարանական խմբակցության քարտուղար Արամ Սաֆարյանը:

Սաֆարյանի խոսքերով Հայաստանում կարող են գտնվել քաղաքական կամ հասարակական կազմակերպություններ, որոնք համաձայն չեն լինի ժամանակավոր հանձնաժողովի զեկույցի եզրակացությունների հետ եւ հնարավոր է, որ սկսեն իրենց սեփական հետաքննությունները այս հարցի կապակցությամբ: «Սա միանգամայն բնականոն ձգտում է եւ հանդես է գալիս ժողովրդավարական հասարակության շրջանակներում», - նշեց Սաֆարյանը

Սաֆարյանը նաեւ հաղորդեց, որ կուսակցությունը հանդես է եկել նախաձեռնությամբ, որով առաջարկ է արվել տպագրել զեկույցը առնվազն 1000 օրինակով եւ տարածել դրանք կուսակցությունների, հասարակական կազմակերպությունների եւ ուսումնական հաստատությունների շրջանակներում: «Այս կերպ բոլորը հնարավորություն
կունենան օգտագործել այս զեկույցը որպես համապարփակ եւ օբյեկտիվ աղբյուր` հետագա հետաքննության համար», - եզրափակեց իր ելույթը Արամ Սաֆարյանը: