Օհրիդում (Մակեդոնիա) մեկնարկել է Շախմատի Եվրոպայի գավաթի ակումբային խաղարկությունը, որին մասնակցում է նաեւ Հայաստանի չեմպիոն «Միկան»: Հայկական շախմատի ակումբը հաջող է մեկնարկել` առաջին տուրում հաղթելով բելգիական «Բոգերհութ» ակումբին 4:2 հաշվով:

Հայկական ակումբից հաղթանակներ տարան Լեւոն Արոնյանը, Տիգրան Պետրոսյանը եւ Զավեն Անդրեասյանը: Վլադիմիր Հակոբյանն ու Գաբրիել Սարգսյանը ոչ ոքի են խաղացել, իսկ Արմեն Փաշիկյանը պարտություն է կրել:

Այդպիսով, «Միկան» 1-ին տուրից հետո 2 միավոր է հավաքել եւ կիսում է 1-26 տեղերը մրցաշարի այլ թիմերի հետ:

Երկրորդ փուլում «Միկան» ուժերը կչափի Մոսկվայի «ՇՍՄ-64»-ի հետ, որի կազմում ընդգրկված են Գելֆանդը, Կարյակինը, Կարուանը, Ռյազանցեւը, Սավչենկոն, Նաերը, Նեպոմնյաշչին ու Գրաչովը: