Հայաստանի ներքին գործերի նախկին նախարար, անցյալում «Հայոց համազգային շարժում» իշխող կուսակցության առաջնորդ Վանո Սիրադեղյանը, որը գտնվում է միջազգային հետախուզման մեջ` մեղադրվելով ծանր հանցագործություններում, իր թեկնածությունն է առաջադրել խորհրդարանի լրացուցիչ ընտրություններում: Ընտրություններին մասնակցելու իր մտադրությունը նա հաստատել է ՀՀՇ գրասենյակ ուղարկած ֆաքսով: Սիրադեղյանը պատգամավոր էր այն ընտրատարծքում, որտեղ մտադիր է կրկին առաջադրել իր թեկնածությունը: Օրենքի համաձայն նա զրկվել էր մանդատից խորհրդարանի վերջին նստաշրջանի նիստերի ավելի քան կեսին անհարգելի չմասնակցելու պատճառով: Նախկին նախարարի հակառակորդներն են Գրողների միության նախագահ Լեւոն Անանյանը, մաքսային կոմիտեի աշխատակից Հովիկ Աբովյանը եւ «Հայէլեկտրոմաշ» խոշոր արտադրական ձեռնարկության ղեկավար Իլյիչ Բեգլարյանը, որը անցյալ ընտրություններում Սիրադեղյանի գլխավոր մրցակիցն էր: Ընտրությունները կկայանան մայիսի 19-ին: Լրատվության արտատպելու, կամ օգտագործելու դեպքում հղումը "PanARMENIAN.Net"-ի վրա պարտադիր է: