Հայաստանի կառավարությունն իր նոյեմբերի 12-ի նիստում որոշել է «Արաքս թռչնաֆաբրիկայի» համար 300 միլիոն դրամը գերազանցող արժեքով ապրանքների ներմուծման դեպքում մաքսային մարմինների կողմից հաշվարկված ավելացված արժեքի հարկի գումարների վճարման ժամկետը մինչեւ երեք տարի ժամկետով հետաձգելու մասին:

Ինչպես նշել է ՀՀ էկոնոմիկայի նախարար Ներսես Երիցյանը, ընկերությունը մտադիր է 878 մլն դրամ ներդնել նոր սարքավորումներ ներկրելու նպատակով` արտադրողակնությունը բարձրացնելու համար, ինչը թույլ կտա ստեղծել շուրջ 100 նոր աշխատատեղ: Ընդ որում միջին աշխատավարձն ընկերությունում 70 000 դրամ է:

Սա արդեն 4-րդ ընկերությունն է, որի հանդեպ ՀՀ կառավարությունը զիջումների է գնում եւ երկարացնում է ԱԱՀ վճարման ժամկետը: