Հարավային Կորեայի Գոյանգ քաղաքում ընթացող ծանրամարտի աշխարհի առաջնությունում նոյեմբերի 25-ին պայքարը սկսեց ՀՀ հավաքականի երրորդ ներկայացուցիչ` 2007 եւ 2008թթ. Եվրոպայի չեմպիոն, 2006թ. աշխարհի առաջնության բրոնզե մրցանակակիր Մելինե Դալուզյանը:

36կգ քաշային կարգում Դալուզյանը «պոկում» վարժությունում բարձրացրեց 105 կգ եւ զբաղեցրեց 7-րդ տեղը: «Հրում» վարժությունում Դալուզյանը երեք մոտեւցումներից միայն մեկը հաջող օգտագործեց` բարձրացնելով 130 կգ: Երկամարտի արդյունքում նա 6-րդն է:

Չեմպիոնի տիտղոսը նվաճել է Մանիյա Մանեզան Ղազախստանից (246կգ):

Հայ ծանրամարտիկներից դեռեւս ելույթները չեն սկսել հետեւյալ մարզիկները.

նոյեմբերի 26-ին`
Տիգրան Մարտիրոսյանը (85կգ ք/կ)
Գեւորգ Պողոսյանը (85կգ ք/կ)

նոյեմբերի 27-ին`
Նազիկ Ավդալյանը (69կգ ք/կ)

նոյեմբերի 28-ին`
Հռիփսիմե Խուրշուդյանը (75կգ ք/կ):