Պատանի երգչուհի Լուարա Հայրապետյանը 2-րդ տեղն է գրավել «Մանկական «Նովայա վոլնա»-2009» մրցույթում եւ որպես մրցանակ ստացել է պրոֆեսիոնալ երաժշտական սարքավորումներ: Մրցույթն անցել է երկու փուլով: Առաջին մրցութային օրը, դեկտեմբերի 21-ին, երկու տարիքային խմբերի` 8-12 տարեկան եւ 13-15 տարեկան մասնակիցներն երգեր կատարեցին մանկական կինոֆիլմերից եւ մուլտֆիլմերից: Երկրորդ օրը նրանք կատարեցին օրիգինալ երգեր իրենց երգացանկից: Դեկտեմբերի 23-ին տեղի ունեցավ գալա համերգը ռուսական էստրադայի բազում աստղերի մասնակցությամբ եւ հաղթողների պարգեւատրումը: Կրտսեր տարիքային խմբում առաջին տեղը գրավեց մրցույթի ամենափոքր մասնակիցը` 8-ամյա Սոլոմիան Ուկրաինայից: Երկրորդ տեղում են Լուարա Հայրապետյանը` Բելառուսի ներկայացուցիչ Ռոմա Վոլոզնեւի հետ միասին: Երրորդ տեղում է Ուկրաինայի ներկայացուցիչ Վլադ Կարաշչուկը:

Երկրորդ տարիքային խմբում հաղթել է վրացուհի Աննա Գիբրաձեն, երկրորդ եւ երրորդ տեղերում են Ուկրաինայի ներկայացուցիչներ Մարիա Ստասյուկն ու Անգելինա Շալիմովան: Ադամանդներով զարդարված հանդիսատեսի համակրանքի մրցանակը ստացավ 9-ամյա Լի Զեքսին Չինաստանից: