Թուրքիայի վարչապետ Բյուլենտ Էջեւիթը չի հավատում իր ռազմական ուժերի գլխավոր շտաբի պետ Հուսեյն Կիվրիկօղլուն, որը հայտարարել էր, որ Հայաստանը զանգվածային ոչնչացման զենք ունի: «Արմինֆո» գործակալության տվյալներով, Թուրքիայի վարչապետը Վաշինգտոնում ամերիկայն լրագրողների հետ հանդիպման ընթացքում հայտնել է, որ բացառում է այն հնարավորությունը, որ Հայաստանը ունի զանգվածային ոչնչացման զենք: «Ես վստահ չեմ, որ Հուսեյն Կիվրիկօղլուն իրավացի է», ընդգծել է Էջեւիթը: Ինչպես հայտնի է, հայկական կողմը թուրքական գլխավոր շտաբի պետի հայտարարությունը անհեթեթություն է անվանել: Լրատվության արտատպելու, կամ օգտագործելու դեպքում հղումը "PanARMENIAN.Net"-ի վրա պարտադիր է: