Windows 7-ը հայերեն լեզվով տեղայնացնելու աշխատանքները մոտենում են ավարտին: Այդ մասին PanARMENIAN.Net-ի թղթակցի հետ զրույցում հաղորդեց Հայաստանում Microsoft-ի ներկայացուցչության տնօրեն Գրիգորի Բարսեղյանը: Նրա խոսքով, ընկերությունը ներդրումներ է կատարում Windows XP, Windows Vista եւ MS Office 2007 տեղայնացման համար: «Արդեն սկսվել են MS Office 2007 եւ MS Office 2010-ի հայաֆիկացման աշխատանքները: Օֆիսային փաթեթների երկու տարբերակներում էլ կներառվի 90% ճշգրտությամբ հայերեն ուղղագրությունը ստուգող ծրագիրը (armenian spellchecker)»,- ասաց Գրիգորի Բարսեղյանը: