Հայաստանի Կենտրոնական բանկի խորհուրդը ապրիլի 13-ին կայացած նիստում, որը վարում էր ԿԲ նախագահ Արթուր Ջավադյանը, թույլ տվեց "ՊրոԿրեդիտ Բանկ" ՓԲԸ-ին մասնակցել "Coinstar Money Transfer" արտասահմանյան վճարահաշվարկային համակարգում: այդ մասին հաղորդում է ՀՀ ԿԲ մամլո ծառայությունը:

Coinstar Money Transfer-ը թույլ է տալիս ԱՄՆ դոլարով և Եվրոյով դրամական փոխանցումներ կատարել աշխարհի 118 երկրներում և ավելի քան 40 000 սպասարկման կետեր ունի:

"ՊրոԿրեդիտ Բանկ" ՓԲԸ-ն Հայաստանում իր գործունեությունը ծավալել է սկսած 2008 թվականի փետրվարի 5-ից: Հայկական ՊրոԿրեդիտ Բանկը ՊրոԿրեդիտ հոլդինգի անդամն է, որը բաղկացած է ողջ աշխարհում գործող 22 ֆինանսական կազմավորումներից:

ՊրոԿրեդիտ Բանկի բաժնետերերն են "ՊրոԿրեդիտ հոլդինգ" ԲԸ (ProCredit Holding AG) - 67,5%, ՎԶԵԲ - 16,67% և Kfw - 15,83%: