Արգենտինահայ թենիսիստ Դավիթ Նալբանդյանը Monte-Carlo Rolex Masters-2010 մրցաշարի “Մաստերս” սերիայի 1/4 եզրափակիչում պարտվել է աշխարհի երկրորդ ռակետ, սերբ Նովակ Ջոկովիչին:
Ջոկովիչը 6:2, 6:3 հաշվով հաղթանակ է տարել: Խաղի ընթացքում սերբ թենիսիստը միայն մեկ անգամ է զիջել իր փոխանցումը, ընդ որում, ինքը կարողացել է ձևակերպել 5 բրեյք, հաղորդում է gptennis.ru-ն:
Այդ հաղթանակի շնորհիվ Ջոկովիչը կարողացել է մեծացնել իր առավելությունը Նալբանդյանի հետ անձնական հանդիպումների հաշվում (3:1):
Եզրափակիչ դուրս գալու համար Ջոկովիչը պայքարելու է Ֆերնանդո Վերդասկոյի հետ (Իսպանիա):