Հայաստանի խորհրդարանում կառավարական ժամի ընթացքում ՀՅԴ խմբակցության քարտուղար Արտյուշա Շահբազյանն առաջարկեց կառավարությանը թույլ տալ Ոստիկանության ակադեմիայի բոլոր դիմորդներին հանձնել քննությունները, ծառայել բանակում և հետո արդեն վերադառնալ ուսման:
Ի պատասխան այդ առաջարկի, Հայաստանիի արդարադատության նախարար Գևորգ Դանիելյանը նշեց, որ այդ դեպքում կառաջանան տեխնիկական խնդիրներ` կապված ուսումնական գործընթացը կազմակերպելու հետ, քանի որ չծառայած դիմորդների հետ ակադեմիա են դիմում մի քանի ծառայածներ: «Այդ դեպքում ակադեմիայի առաջին կուրսում սովորելու են առավելագույնը 5-6 ուսանողներ, որոնց ուսումնական գործընթացի կազմակերպումը բավական պրոբլեմատիկ կլինի»,- ասել է նա: