Արգենտինահայ թենիսիստ Դավիթ Նալբանդյանը, որն իր հավաքականին առաջին միավորը բերեց Դևիսի գավաթի քառորդ եզրափակչի Ռուսաստան-Արգենտինա խաղում, խոստովանել է, որ դեռևս ցույց չի տալիս իր խաղը:

«Ես և Նիկոլայ Դավիդենկոն մեր լավագույն խաղը ցույց չտվեցինք: Գլխավորն այն է, որ ես կարողացա հաղթել և միավոր բերեցի իմ հավաքականին: Սակայն ես պետք է շտկեմ իմ խաղը»,-ասել է Նալբանդյանը:

Թենիսիստը նշեց նաև, որ այժմ լավ մարզավիճակում է գտնվում և պատրաստ էր տևական խաղի:

«Ես շատ սխալներ թույլ տվեցի, սակայն դա կապված չէ ֆիզիկական վիճակի հետ: Ես միտումնավոր բաց թողեցի Ուիմբլդոն-2010-ը` Դևիսի գավաթի խաղերին լավագույնս պատրաստվելու նպատակով»,-ասել է Նալբանդյանը:

Նալբանդյանի հաղթանակից հետո Արգենտինայի հավաքականը առաջատար էր 1:0 հաշվով, սակայն արգենտինացիների հավաքականի թիվ մեկ թենիսիստ Լեոնարդո Մայերի պարտությունից հետո, հաշիվը հավասարվեց` 1:1:

Հուլիսի 10-ին Իգոր Կունիցինն և Թեյմուրազ Գաբաշվիլին զուգախաղում կհանդիպեն Դավիթ Նալբանդյանի ու Օրասիո Սեբալյոսի հետ: