2010թ. հուլիսին ԱՄՆ դոլարի նկատմամբ հայկական դրամի միջին հաշվարկային փոխարժեքը կազմել է 366.24 դրամ, ինչը 0.3 %-ով գերազանցել է 2009թ. հուլիսի համապատասխան ցուցանիշը (365.29 դրամ):
Հայաստանի Ազգային վիճակագրական ծառայության պաշտոնական տվյալների համաձայն, 2010թ. հուլիսին հունիսի համեմատ հանրապետության սպառողական և արժութային շուկաներում արձանագրվել է գների և ԱՄՆ դոլարի նկատմամբ հայկական դրամի հաշվարկային փոխարժեքի (հուլիսի 1-28-ի դրությամբ)` համապատասխանաբար 0.8% և 1.9% նվազում (ՀՀ դրամն արժեվորվել է):