ԱՄՆ-ում շարունակվում է Մեծ սաղավարտի US Open-2010 վերջին մրցաշարը: Դավիթ Նալբանդյանը մրցաշարի երկրորդ տուրում հանդիպել է Ֆլորան Սերայի հետ և հաղթել երեք սեթում 7:5, 6:4, 6:2 հաշվով:

Հաղթանակից հետո Նալբանդյանը դուրս եկավ մրցաշարի երրորդ շրջան, որտեղ նրա մրցակիցը կլինի աշխարհի ութերորդ ռակետ, իսպանացի թենիսիստ Ֆերնանդո Վերդասկոն, որն իր հերթին հաղթել է ֆրանսիացի Ադրիանո Մաննարինոյին:

Ավելի վաղ Նալբանդյանն ու Վերդասկոն խաղացել են միայն Ուիմբլդոն-2006-ի երկրորդ շրջանում, և այն ժամանակ ավելի ուժեղ գտնվեց իսպանացի թենիսիստը` հաղթելով 7:6, 7:6 և 6:2 հաշվով: