“ Բանն այն է, որ Աղթամարի Սբ Խաչ եկեղեցին վերականգնելով այն թանգարանի վերածելը և այսօրվա պատարագը եկեղեցում` ընդամենը պատարագ է` թանգարանում տրված”, - լրագրողներին հայտարարել է Հայ դատի կենտրոնական գրասենյակի ղեկավար Կիրո Մանոյանը: Նա ասել է նաև, որ հենց դա է հայկական կողմի դժգոհության պատճառը:

Նրա խոսքերի համաձայն, եկեղեցին պետք է ամեն օր գործի, այլ ոչ թե միայն այն ժամանակ, երբ Թուրքիան ուզի; Մանոյանը նշել է նաև, որ Անկարան այնպես արեց, որ միջոցառումը վերածվեց մեծ հարցի` արդյոք եկեղեցու գմբեթին խաչը կդրվի, թե ոչ:

Մանոյանը նաև անիմաստ բարբաջանք է համարել այն, որ պատարագը Անկարայի բարի կամքի դրսևորումն է Երևանի հանդեպ, ավելացնելով, որ Թուրքիան պետք է իր պարտավորությունները կատարի, այլ ոչ թե բարի կամք դրսևորի;