Հայ-իրանական առևտրանտնտեսական հարաբերությունները զարգացնելու և խորացնելու նպատակով Իրանը մտադիր է Հայաստանում բացել բիզնես կենտրոն: Այդ մասին Հայաստանի առևտրաարդյունաբերական պալատի (ԱԱՊ) նախագահ Մարտին Սարգսյանի հետ համատեղ մամլո ասուլիսում հայտարարել է Իրանի Իսլամական Հանրապետության առևտրի, արդյունաբերության և հանքերի պալատի նախագահ Մոհամմադ Նահավանդիանին: Նրա խոսքերով երեք ամիս անց կհայտարարվի բիզնես կենտրոն բացելու վայրի մասին:

Հայ-իրանական ԱԱՊ նախագահ Լևոն Ահարոնյանը նշել է, որ հայ-իրանական առևտրային հարաբերություններին խոչընդոտող հիմնական խնդիրը երկու երկրների ձեռնարկատերերի գործունեության մասին տեղեկատվության բացակայությունն է: