Հայ-թուրքական հարաբերությունների կարգավորման գործընթացը դեռևս չի ավարտվել, ուստի այն վերսկսելու որևէ պատճառ չկա: Այդ մասին հայտնել է Թուրքիայի արտգործնախարար Ահմետ Դավութօղլուն` մեկնաբանելով տեղեկատվությունը Շվեյցարիայի «հեռախոսային դիվանագիտության» մասին` ուղղված Հայաստանի ու Թուրքիայի միջև հարաբերությունների կարգավորման գործընթացի վերսկսմանը: «Դա մեզ համար շարունակական գործընթաց է, որը երբեք չի ընդհատվել»,- ասել է Թուրքիայի ԱԳ նախարարը` ավելացնելով, որ այդ գործընթացը չի ավարտվի, քանի դեռ Կովկասում խաղաղություն չի հաստատվել, հաղորդում է Hurriyet-ը: