Տաթևի վերականգնման ծրագիրը հայերի ազգային ինքնության պահպանման օրինակ է
«Տաթևի վերակառուցումը պետության ու մասնավոր հատվածի աննախադեպ համատեղ ծրագիր է, որտեղ միահյուսվում են տնտեսական ու հոգևոր խնդիրները, ինչպես նաև երկրի տարածքային զարգացման ծրագիրը»,-ասել է «Ամերիա» ՓԲԸ-ի տնօրեն Անդրեյ Մկրտրչյանը: Ըստ նրա, Տաթևի վերակառուցման նպատակն է կյանքի աշխուժացումը հարակից գյուղերում՝ կապիտալի ներհոսքի միջոցով:
Իր հերթին ՎիվաՍել-ՄՏՍ-ի գլխավոր տնօրեն Ռալֆ Յիրիկյանն ընդգծել է, որ Տաթևի վանքը համաշխարհային արժեք է և հայերի հարուստ ժառանգությունը: «Մենք պետք է արժանի վիճակում փոխանցենք այդ ժառանգությունը ապագա սերունդներին: Մենք պետք է պահպանենք ու զարգացնենք այն ամենն, ինչ կապված է ազգային ինքնության հետ»,-ասել է գլխավոր տնօրենը:
