ԱՄՆ Պետդեպարտամենտը ողջունում է Հայաստանի, Ադրբեջանի ու Ռուսաստանի նախագահների հոկտեմբերի 27-ին Աստրախանում արած հայտարարությունը, որի համաձայն Հայաստանն ու Ադրբեջանը պայմանավորվեցին փոխանակել գերիներին և վերադարձնել զոհվածների դիակները՝ ԵԱՀԿ ՄԽ և Կարմիր խաչի միջազգային կոմիտեի աջակցությամբ: Այդ մասին Վաշինգտոնում կայացած ճեպազրույցում հայտարարել է Պետդեպարտամենտի պաշտոնական ներկայացուցիչ Ֆիլիպ Քրոուլին:
«Մենք բարձր ենք գնահատում նախագահ Մեդվեդևի ջանքերն, ուղղված կողմերի միջև փոխադարձ վստահության հաստատմանը, որն ուղղված է 1994թ. կնքած հրադադարի ռեժիմի ամրապնդմանը: Համատեղ հայտարարությունը դրական գործընթաց է ղարաբաղյան խաղաղ կարգավորման բանակցություններում: Մենք ակնկալում ենք, որ համաձայնագրում ամրագրված քայլերը կիրականացվեն»,-ասել է Քրոուլին:
