«Զարմանալի չէ, որ Թուրքիա զենք առաքող «Լոքհիդ-Մարտին» ընկերության նախկին մենեջեր Բրյուս Ջեքսոնը հանդես է գալիս որպես Անցումային ժողովրդավարությունների նախագծի նախագահ: Ջեքսոնը ձգտում է նվազեցնել ԱՄՆ հայազգի քաղաքացիների ներդրումը ժողովրդավարաության կայացման ու ԱՄՆ շահերի պաշտպանության գործում, ինչը երկրի արտաքին քաղաքականության հիմնական խնդիրը պետք է լինի»,- PanARMENIAN.Net-ի թղթակցին է հայտարարել Ամերիկայի Հայ Դատի հանձնախմբի (ANCA) գործադիր տնօրեն Արամ Համբարյանը: Ըստ նրա, Ջեքսոնի զայրացած հարձակումները ԱՄՆ հայկական լոբբիի վրա վկայում են թուրքական լոբբի և նրա հետնորդների ազդեցության նվազման մասին Վաշինգտոնում, հայտարարել է Արամ Համբարյանը:
Ջեքսոնը հայտարարել է, որ հայկական լոբբին «վատ համբավ» ունի Վաշինգտոնում: «Նրանք արգելափակում են Մեթյու Բրայզայի թեկնածությունը Ադրբեջանում ԱՄՆ դեսպանի պաշտոնում, դեմ էին Ֆիլիպ Գորդոնի նշանակմանը Եվրոպայի գծով պետքարտուղարի օգնականի պաշտոնում: Մենք շատ շահագրգիրռ ենք, որ հայ-թուրքական հաշտեցումը կայանա, ինչը կնպաստի ղարաբաղյան հակամարտության կարգավորմանը»,-ասել է նա:
