Ալիևը ոչ մի կերպ չի կարողանում կողմնորոշվել, թե ինչ է ուզում՝ պատերազմ թե խաղաղություն
Ադրբեջանի նախագահը շնորհակալություն է հայտնել Դմիտրի Մեդվեդևին ղարաբաղյան հակամարտության շուրջ բանակցություններին ակտիվ մասնակցության համար: «Մեր հանդիպումները կանոնավոր բնույթ են կրում, մենք հնարավորություն ունենք քննարկելու մեր հարաբերությունները»,-ասել է Ալիևը՝ հավելելով, որ ՌԴ նախագահի անձնական մասնակցությունն այդ հարցի լուծմանը կարևոր և դրական դեր է կատարում: «Հուսով եմ, որ մեզ կհաջողվի առաջ շարժվել այդ գործընթացում և խաղաղություն ու անվտանգություն հաստատել այդ տարածաշրջանում»,-ասել է Ադրբեջանի նախագահը:
Ալիևը նշել է, որ հակամարտության կարգավորումը հնարավոր է միայն միջազգային իրավունքի նորմերի ու սկզբունքների, միջազգային կազմակերպությունների բանաձևերի հիման վրա, հաղորդում է «ՌԻԱ Նովոստի» գործակալությունը:
