Սամվել Պետրոսյանը կգլխավորի «Շիրակ» ֆուտբոլի ակումբը: 56-ամյա մասնագետը մեկ տարվա պայմանագիր է կնքել: Այդ մասին PanARMENIAN.Net-ին են հաղորդել ակումբի մամլո ծառայությունում:

Այս տարի ակումբը, որը գլխավորում էր Վարդան Բիչախչյանը երկրի առաջնությունում վաստակեց 10 միավոր՝ հայտնվելով վերջին, 8-րդ տեղում: Սակայն ՀՖՖ որոշմամբ, «Շիրակը» կշարունակի հանդես գալ Բարձրագույն լիգայում:

Սամվել Պետրոսյանն իր մարզչական գործունեությունը սկսել է 1980թթ., 1992թ. ՀՀ առաջին առաջնության ժամանակ նա մարզել է «Կիլիկիային» և եղել է Հայաստանի ազգային հավաքականի գլխավոր մարզիչ Էդուարդ Մարկարովի օգնականը: 2006-2007թթ. որպես «Փյունիկի» գլխավոր մարզիչ դարձավ երկրի չեմպիոն, նրա ղեկավարությամբ «Գանձասարը» 2008թ. դարձավ բրոնզե մրցանակակիր: