Բակո Սահակյանն ընդունել է «Ղարաբաղ Տելեկոմ» ՓԲԸ գլխավոր տնօրեն Ռալֆ Յիրիկյանին
Արցախի Հանրապետության նախագահ Բակո Սահակյանը դեկտեմբերի 11-ին ընդունել է «Ղարաբաղ Տելեկոմ» ՓԲԸ գլխավոր տնօրեն Ռալֆ Յիրիկյանին:
Հանդիպման ընթացքում քննարկվել են Արցախում կապի ոլորտի զարգացման հետ կապված հարցեր: Նախագահն ընդգծել է, որ «Ղարաբաղ Տելեկոմ» ընկերությունը կարևոր դերակատարություն ունի հանրապետությունում կապի և տեղեկատվական տեխնոլոգիաների զարգացման, ինչպես նաև Արցախում տարբեր բարեգործական ծրագրերի իրականացման գործում:
Հանդիպմանն արծարծվել են նաև մատուցվող ծառայությունների սակագների իջեցմանը վերաբերող հարցեր: Երկրի ղեկավարն այս կապակցությամբ նշել է, որ սակագների մատչելիությունն ունի և սոցիալական, և տնտեսական կարևոր նշանակություն, հաղորդում է Արցախի Հանրապետության նախագահի աշխատակազմի տեղեկատվության գլխավոր վարչությունը:
