Գյուղատնտեսության ոլորտը 2011-ին գտնվելու է կառավարության ուշադրության կենտրոնում, ասել է ՀՀ վարչապետ Տիգրան Սարգսյանը կառավարության առաջին նիստի ժամանակ: «2010-ին մեր տնտեսական ցուցանիշներն ավելի լավը կլինեին, եթե գյուղատնտեսության ոլորտում չարձանագրվեր 14.5 տոկոս անկում: Դա նշանակում է, որ մենք շատ բան ենք ակնկալում Սերգո Կարապետյանից` հաշվի առնելով նրա հարուստ փորձն այդ ոլորտում: Կարծում եմ, որ մենք 2011-ին կկարողանանք ապահովել գյուղատնտեսության աճի բավարար ցուցանիշ»,- ասել է նա:

Միաժամանակ, վարչապետը շնորհավորել է Սերգո Կարապետյանի նշանակման առթիվ և նշել, որ նոր նախարարն առաջին անգամ է մասնակցում կառավարության նիստին:

Տիգրան Սարգսյանը ծննդյան օրվա կապակցությամբ շնորհավորել է ՀՀ էներգետիկայի և բնական պաշարների նախարար Արմեն Մովսիսյանին: