AGBU. Կահիրեում անկարգությունների ընթացքում հայ համայնքը չի տուժել
Եգիպտոսում տեղի ունեցած անկարգություններից հետո փետրվարի 7-ին բոլոր հայկական ակումբները և կազմակերպությունները վերսկսել են իրենց աշխատանքը: Ինչպես հայտնում է Հայ բարեգործական ընդհանուր միության` AGBU (ՀԲԸՄ) եգիպտական բաժանմունքը, հայ համայնքից ոչ ոք չի տուժել, կոտրվել են միայն «Քալուստդյան» դպրոցի ապակիները:
Կահիրեի «Նուբար» ակումբում կիրակի օրը կայացել է ընթրիք համայնքի անդամների համար: Վերջին մի քանի օրերը «Արարատ», «Սբ. Թերեզա» ակումբները սովորականի նման բաց են եղել` չնայած պարեկային ժամին: ՀԲԸՄ եգիպտական բաժանմունքը հայտնում է, որ ընդունում է բոլոր նրանց, ով օգնության, նպաստի և դեղերի կարիք ունի: ՀԲԸՄ գրասենյակ է բացվել նաև Ալեքսանդրիայում:
