«Ամերիա» ՓԲԸ-ն հաջողությամբ իրականացրեց Հայաստանի վերականգնվող էներգետիկայի և էներգախնայողության ոլորտների կառույցների աջակցման ծրագիրը, նոր ստեղծվող էներգետիկայի ոլորտում մասնագիտացված ՈՒՎԿ գործարար ծրագրի մշակումը և հիմնադիր փաստաթղթերի կազմումը: Ինչպես հաղորդում է «Ամերիա» ՓԲԸ մամլո ծառայությունը, մշակվել է նաև Հիմնադրամի ռազմավարական ծրագիր, հնգամյա գործարար ծրագիր, ներքին գործառնական ձեռնարկ, ինչպես նաև ներդրվել է աշխատակիցների կատարողականի գնահատման համակարգ: «Ծրագիրն իրենից ներկայացնում է բազմակողմանի և համալիր միջոցառումների ամբողջություն, մասնավորապես` իրավական դաշտի ուսումնասիրություն, նորմատիվ փաստաթղթերի մշակում և նախապատրաստում, ներքին կանոնակարգերի, ուղեցույցների, հրահանգների և այլ փաստաթղթերի մշակում, բիզնես գործընթացների և դրանց նկարագրությունների, մարդկային ռեսուրսների կառավարման համար կիրառվող փաստաթղթերի, ռազմավարական փաստաթղթի, գործարար միջնաժամկետ ծրագրի մշակում: Ծրագիրը ներառել է երեք հիմնական ուղղություն` քաղաքականության խորհրդատվություն, գործարար խորհրդատվություն, ինստիտուցիոնալ զարգացման օժանդակություն»,- ասվում է հաղորդագրության մեջ:
2011 թվականի փետրվարի 4-ին և 5-ին Հայաստանի վերականգնվող էներգետիկայի և էներգախնայողության հիմնադրամը «Ամերիա» ՓԲԸ մասնագետների հետ համատեղ ամփոփեց ծրագրի շրջանակներում ստացված արդյունքները:
