«Էրգենեկոն» կազմակերպությանը մասնակցության մեղադրանքով ձերբակալված թուրք լրագրող Ահմեդ Շիկը նամակ էր գրել հայ-թուրքական «Ակոս» թերթի գլխավոր խմբագիր Հրանտ Դինքի որդուն՝ Արատին: «Եղբայր իմ Արատ, երբ մենք կրկին կհանդիպենք, դու կգրկես ինձ, ինչպես ես էին գրակախառնվում քո հոր հետ»,-գրել է Շիկը: Արատ Դինքը պատասխան նամակում գրել է. «Միթե՞ մենք պետությունից պետք է իմանանք մեր թշնամիների անուններն ու հարցնենք մեր բարեկամների անունները: Առաջին անգամը չէ, որ իմ բարեկամները զրպարտվում են: Քո խոսքերն ինձ համար հույսի աղբյուր են եղել, քո եղբայր Արատ»:
Շիկը նամակ է գրել կնոջն ու դստերը, ինչպես նաև 1996թ. ծեծի ենթարկման հետևանքով մահացած լրագրողներ Մեթին Գեկտեպեի ու Հասան Օջակի մայրերին:
Մարտի 3-ին թուրքական ոստիկանությունը ձերբակալել է «Միլիեթի» թղթակից, Հրանտ Դինքի մասին գրքի հեղինակ Նեդիմ Շեներին ու «Էրգենեկոնի» մասին գրքի հեղինակ Ահմեդ Շիկին: Այնուհետև դատարանը որոշում կայացրեց լրագրողների ձերբակալության մասին:
