Իսրայելի ՌՕՈւ-ն գործարկել է «Երկաթե գմբեթ»համահրթիռային պաշտպանության նոր համակարգը երկրի հարավում` Բեեր Շևա քաղաքից ոչ հեռու, հաղորդում է Agence France-Presse-ը: Իսրայելի վարչապետ Բինյամին Նեթանյահուի խոսքերով, «Երկաթե գմբեթը» դեռ գտնվում է ստեղծման փորձնական փուլում և ընդունակ չէ ապահովել երկրի տարածքի լիակատար պատպանությունը հրթիռային հարձակումից:
Իսրայելի ռազմաօդային ուժերը ձեռք են բերել «Երկաթե գմբեթի» երկու մարտկոցներ: Դեռ հայտնի չէ, թե որտեղ է գործարկվելու երկրորդը: Երկու պատվիրված մարտկոցները պահվել են Իսրայելի կենտրոնական մասի ՌՕՈՒ բազաներից մեկում: Ի սկզբանե նախատեսվում էր հակահրթիռային համակարգը գործարկել 2010-ի ամռանը, սակայն հետո այդ ժամկետը տեղափոխվել է 2011-ի առաջին եռամսյակ:
Իսրայելը մտադիր է ձևավորել ՀՕՊ բազմաշերտ համակարգ, որի մեջ, «Երկաթե գմբեթից» բացի, մտնելու են նոր հակառմբանետային «Նետ-3» (Arrow-3) հրթիռները և «Պրաշչա Դավիդա» (David's Sling) հակահրթիռային համալիրները, հաղորդում է Lenta.ru-ն: