Հայաստանի պաշտպանության նախարար Սեյրան Օհանյանը մեկնաբանել է ադրբեջանական կողմի այն հայտարարությունը, թե Ղարաբաղ ուղևորվող ինքնաթիռները կոչնչացվեն, ասելով, որ Հայաստանն ամեն ինչ կանի, որպեսզի «Արցախի երկինքը մաքուր լինի», հայտարարել է ՀՀ պաշտպանության նախարարը:
Պատասխանելով լրագրողի հարցին այն մասին, թե արդոյք Սեյրան Օհանյանը կթռչի ՀՀ նախագահի հետ նույն ինքնաթիռով Երևան-Ստեփանակերտ առաջին չվերթով, Սեյրան Օհանյանը հայտարարել է, որ ինքը պատրաստ է, սակայն, ըստ արարողակարգի, նա չի կարող թռչել նույն ինքնաթիռով, ինչ նախագահը:
Հայաստանի նախագահ Սերժ Սարգսյանը Շվեյցարիայի նախագահի հետ Երևանու համատեղ մամլո ասուլիսում հայտարարեց, որ ինքն է լիենլու Ստեփանակերտի օդանավակայանում վայրէջք կատարած ինքնաթիռի առաջին ուղևորը: Ադրբեջանի քաղավիացիայի պետական աշխատակազմի տնօրեն Արիֆ Մամեդովը հայտարարել է, թե ադրբեջանական կողմն արդեն իսկ հասցրել է բողոքել Քաղավիացիայի միջազգային կազմակերպությանը՝ ICAO: «Մենք հայտնել ենք, որ մեր օդային տարածքը Ղարաբաղի վրա փակ է: Ըստ «Ավիացիայի մասին» օրենքի, նախատեսվում է ֆիզիկապես ոչնչացնել այդ տարածքում վայրէջք կատարող ինքնաթիռները»,-հայտարարել էր Մամեդովը: ԼՂՀ օդանավակայանը կընդունի և բաց կթողնի ինքնաթիռներ 2011-ի մայիսից:
