Հայաստանում հայկական ընդդիմության հանրահավաքի օրը կրկին փակված են մայրաքաղաք տանող մարզային ճանապարհները: Ինչպես PanARMENIAN.Net-ի թղթակցի հետ զրույցում հաղորդել է Հայ ազգային կոնգրեսի (ՀԱԿ) համակարգող Լևոն Զուրաբյանը, Հայաստանի ճանապարհային ոստիկանությունը փակել է բոլոր ճանապարհները, որոնք հանրապետության մարզերից տանում են մայրաքաղաք: Նրա խոսքով, ոստիկանությունը ահաբեկել է տրանսպորտային միջոցների վարորդներին` պահանջելով ապրիլի 8-ին չմեկնել Երևան:

ՀՀ ճանապարհային ոստիկանությունն իր հերթին PanARMENIAN.Net-ի թղթակցին վստահեցրել է, որ մայրաքաղաք տանող ճանապարհները ներկա պահին բաց են: «Փակ են միայն քաղաքի այն փողոցները, որտեղ տեղի է ունենալու հանրահավաքը»,- ասել է գործակալության զրուցակիցը: