ՀՀ տրանսպորտի եւ կապի նախարար Մանուկ Վարդանյանն ապրիլի 8-ին ընդունել է Չինաստանի ժողովրդական հանրապետությունում ճանապարհաշինարարության ոլորտում մասնագիտացված` «Չոնգքինգ ճանապարհի ճարտարագիտական խումբ» շինարարական կազմակերպության նախագահի գլխավորած պատվիրակությանը:
Հյուրերի խնդրանքով նախարար Մ.Վարդանյանը մանրամասն ներկայացրել է Հայաստանում իրականացվող ճանապարհաշինարարական ծրագրերը, այդ թվում` «Հյուսիս-հարավ» ճանապարհային միջանցքի ներդրումային ծրագիրը:
Չինական ընկերության ներկայացուցիչները հայտնել են, որ մտադիր են մասնակցելու առաջիկայում «Հյուսիս-Հարավ» ճանապարհային միջանցքի ներդրումային ծրագրի` Տրանշ-1-ի եւ Տրանշ-2-ի, շինարարության համար հայտարարվելիք մրցույթին: Հանդիպմանը ներկա է եղել նաեւ Հայաստանում Ասիական Զարգացման բանկի համակարգման ավագ ներկայացուցիչ Արեգ Բարսեղյանը, հայտնում է ՀՀ տրանսպորտի եւ կապի նախարարության լրատվական ծառայությունը:
