Վոլգոգրադում հայտեր են ընդունում պատանի արտիստներից` «Մանկական Եվրատեսիլ-2011»-ի Ազգային նախընտրական մրցույթին մասնակցելու համար: Ինչպես հաղորդում է «Ռոսիա 1» հեռուստաալիքի կայքը, ազգային մրցույթի հաղթողը կներկայացնի Ռուսաստանն այս տարվա դեկտեմբերին Հայաստանում կայանալիք մրցույթում, հաղորդում է Volgograd.ru-ն:
Մանկական «Եվրատեսիլը», ինչպես և չափահասներինը, անպայման ընթանում է իրական ժամանակի ռեժիմով, իսկ հավակնորդների համար քվեարկում են հեռուստադիտողները: Մանկական մրցույթի պայմանների համաձայն (ինչով էլ տարբերվում է չափահաս կատարողների մրցույթից), երգի ստեղծմանը պետք է մասնակցի այն ներկայացնող երեխան:
Դեկտեմբերի 3-ին Երևանում կկայանա «Մանկական Եվրատեսիլ-2011»-ը: 2010թ. նոյեմբերի 20-ին «Մանկական Եվրատեսիլ-2010»-ն ավարտվեց Հայաստանի հաղթանակով: Վլադիմիր Արզումանյանի «Մամա» երգը 120 միավոր հավաքեց:
