Հայկական կողմերին ոչ միայն չի հաջողվել բնակեցնել Ղարաբաղի ազատագրված տարածքները, այլ նաև կանգնեցնել արտագաղթը: Այդ մասին Երևանում մամլո ասուլիսում ասել է արցախյան պատերազմի վետերան, «Սարդարապատ» շարժման նախաձեռնող խմբի անդամ Ժիրայր Սեֆիլյանը:
Մասնավորապես, Սեֆիլյանն ուշադրություն է դարձրել Շուշիում տիրող իրավիճակին: Նրա խոսքերով, եթե դեռ 1980-ականներին քաղաքում ապրում էր ավելի 30.000 մարդ, այսօր Շուշին ունի 3000-ից քիչ բնակիչ:
Սեֆիլյանը կոչ է արել ժողովրդին հավաքվել և լուծել առկա խնդիրները: «Դեռ ուշ չէ ամեն ինչ ուղղելու համար: Ղարաբաղյան պատերազմի տարիներին ոչ ոք չէր կարող մտածել, որ մենք կարող ենք հասնել մինչև Արաքս»,- ասել է Ժիրայր Սեֆիլյանը: