13 մայիսի 2011 - 09:40 AMT
Վրաստանի մահմեդականները դուրս են գալիս Բաքվի խնամակալության տակից

Այս շաբաթ Վրաստանում ստեղծվել է Վրաստանի մահմեդականների վարչություն մուֆթի Ջամալ Բագշաձեի գլխավորությամբ: Կառույցի ստեղծման նպատակը Վրաստանում իսլամական համայնքների և մզկիթների գործունեությունը վերահսկելն է: Դրանով այդ կրոնական կազմակերպության ստեղծողները վերջ են դրել Կովկասի մահմեդակաների հոգևոր վարչության իշխանությանը, որի կենտրոնը Բաքվում է, հաղորդում է «Կավկազ Online»-ը:

2002-ին անցկացրած մարդահամարի համաձայն ադրբեջանցիները, որոնց մեծամասնությունը հարում են իսլամի շիաների ճյուղին, Վրաստանում կազմում են 284 հազար, միևնույն ժամանակ Աջարիայի բնակչության ճնշող մեծամասնությունը, որտեղ հիմնականում բնակվում են մահմեդական վրացիներ, սունիներ են` 376 հազար մարդ: Բացի դրանից, Վրաստանում բնակվում են Կովկասի այլ ժողովուրդների ներկայացուցիչներ, որոնք հարում են սունիներին` չեչեններ, թաթարներ, լեզգիներ: