Կաննի 64-րդ միջազգային կինոփառատոնի երրորդ օրն ավարտվեց ֆրանսիացի ռեժիսոր Մայվեն լը Բեսկոյի «Պոլիցսիա» ֆիլմով: Ֆիլմը բավականին լավ արձագանք ունեցավ հանրության շրջանում: «Պոլիցսիա» ֆիլմը պատմում է Անչափահասների պաշտպանության բրիգադի աշխատակիցների կյանքի մասին: Ֆիլմը շատ իրատեսորեն և մանրամասն ներկայացնում է նրանց աշխատանքը, ինչպես նաև այն հանցագործությունները, որոնք կատարվում են երեխաների հանդեպ ԵՄ խոշորագույն քաղաքներից մեկում: «Պոլիցսիան» առաջին ֆրանսիական ֆիլմն է փառատոնի մրցութային ծրագրում ներկայացված չորս ֆրանսիական ֆիլմերից:
Փառատոնի շրջանակներում ներկայացվել է իտալացի ռեժիսոր Նանի Մորետտիի «Մենք Պապ ունենք» ֆիլմը: Ֆիլմում նորընտիր Հռոմի պապին խաղացել է 85-ամյա ֆրանսիացի դերասան Միշել Պիկկոլին: Ֆիլմը հավակնում է լավագույն դերակատարման համար մրցանակին: Մամլո ասուլիսում Միշել Պիկկոլին հայտարարել է, որ դա կարող է վերջին դերը լինել իր կարիերայում:
Մայիսի 14-ին գլխավոր մրցութային ծրագրում կցուցադրվեն հերթական երկու ֆիլմերը. իսրայելցի Յոսեֆ Սեդարի «Նշումը» և Գերմանիան ներկայացնող ավստրիացի վարպետ Մարկուս Շլյանցերի «Միխայիլը»:
