Հայաստանի նախագահ Սերժ Սարգսյանը որակական խնդիրներ է առաջադրել Հայաստանի կառավարությանն առընթեր Պետեկամուտների կոմիտեին հարկային և մաքսային վարչարարության ոլորտում բարեփոխումների իրականացման ճանապարհին: Այդ մասին հանրապետության նախագահ Սերժ Սարգսյանի հետ պետկառույցի աշխատակիցների հանդիպումից հետո հաղորդել է Հայաստանի կառավարությանն առընթեր Պետեկամուտների կոմիտեի նախագահ Գագիկ Խաչատրյանը: «Այդ խնդիրները, իհարկե, ֆինանսական հոսքերի ապահովում են պահանջում, և ներկա պահին այդ միջոցները հայթայթելու նպատակով բանակցություններ են ընթանում միջազգային դոնոր-կազմակերպությունների հետ»,- նշել է նա:
Գագիկ Խաչատրյանի խոսքով` նախանշված բարեփոխումների շրջանակում վերանորոգվել են մաքսակետերը, իսկ Կոմիտեի տարածքային ստորաբաժանումները ժամանակակից սարքավորումներով են զինվել, ինչը թույլ կտա բարձրացնել բիզնեսին մատուցվող ծառայությունների որակը: Պետեկամուտների կոմիտեի նախագահն ավելացրել է, որ պետության ղեկավարի հետ հանդիպման նպատակը հարկային և մաքսային վարչարարության ոլորտում բարեփոխումները նոր մակարդակի բերելն էր: Ընդ որում, նա նշել է, որ համակարգում մեծ աշխատանք է իրականացվել, որի արդյունքները նույնպես քննարկվել են, բացի դրանից քննարկումների շրջանակում նախանշվել են բարեփոխումների իրականացման հետագա ճանապարհները:
